As novidades na patoloxía respiratoria abordaránse nunha xuntanza en Sanxenxo
Por Redacción
O Servizo de Pneumoloxía do Complexo Hospitalario Universitario de Pontevedra organiza os vindeiros venres 10 e sábado 11 de maio en Sanxenxo a XXV Reunión de Pneumólogos e Cirurxiáns Torácicos Noveis.
Este simposio xuntará a medio centenar de médicos residentes das especialidades de Pneumoloxía e Cirurxía Torácica, procedentes de todas as áreas sanitarias de Galicia.
Por outra banda, a Área Sanitaria de Pontevedra e O Salnés recibiu este mércores no hospital Montecelo sendas acreditacións ISO 9001:2015 pola implantación de sistemas de xestión de calidade, concedidas pola Asociación Española de Normalización e Certificación (AENOR) ao servizo de Endocrinoloxía e Nutrición e á Unidade de Reanimación do servizo de Anestesioloxía, Reanimación e Terapéutica da Dor do Complexo Hospitalario Universitario de Pontevedra.
Estes recoñecementos chegan tras varios anos de traballo nos que, coa implicación dos profesionais dos dous servizos, superáronse as distintas fases que esixe a norma, que rematou con sendas auditorías externas durante o pasado ano 2023.
Así mesmo, AENOR entregou un recoñecemento conmemorativo dos 15 anos de certificacións de calidade á Unidade de Arquivo e Documentación Clínica do Complexo Hospitalario Universitario pontevedrés.
Relacionadas:
-
Un equipo pontevedrés lidera un proxecto europeo para tratar feridas crónicas con intelixencia artificial
Por Oskar Viéitez |
-
Cifra para a esperanza: "No 99% dos asmáticos severos temos un fármaco biolóxico para controlalo moi ben"
Por Mónica Patxot & María José Pita |
-
A Área Sanitaria despide a 12 residentes e incorpora outros 51
Por Redacción |
-
Os centros de saúde conciencian sobre a hixiene de mans para previr infeccións
Por Oskar Viéitez |
-
A área sanitaria de Pontevedra estabiliza a 138 profesionais de Enfermaría
Por Oskar Viéitez |