'Brokeback Sabucedo' deixa a marca da diversidade sexual na clausura de Ponteatro
Por Mónica Patxot & Anxo Lourido
A Rapa das Bestas de Sabucedo é o escenario onde se desenvolve 'Brokeback Sabucedo', un espectáculo que leva por subtítulo "paixón entre bestas" e que ten o seu referente cinematográfico en Brokeback Mountain, a exitosa película dirixida por Ang Lee.
Nesta montaxe trátase tamén a temática LGTBIQ+ pero situando o conflito no ámbito do rural galego.
A compañía Sal do Teatro pechaba con esta obra a programación do ciclo Ponteatro cun novo éxito de público.
O texto e a dramaturxia de 'Brokeback Sabucedo' corresponde a Santiago Telmo, de Sanxenxo, e ao cambadés Carlos Losada. O propio Santiago Telmo é un dos protagonistas xunto a Borja Salgado.
A pontevedresa Rocío Romero dirixe a obra na que se presenta a vida de Roi e Rafa, dous antigos amigos da infancia, que se atopan en Rápaa das Bestas anos máis tarde.
Durante este encontro xorden sentimentos que permanecían ocultos entre ambos protagonistas. No medio da paixón que se transmite en escena tamén se manifesta unha crítica aos grandes proxectos de enerxía eólica nos montes galegos, que poñen en perigo a tradición e a paisaxe.
Relacionadas:
-
Pode Helen Keller devolverlle os soños a Greta Thunberg?
Por Mónica Patxot & Oskar Viéitez |
-
'O auto do Castromil' visitou Pontevedra coincidindo coa gala de entrega dos Premios de Teatro María Casares
Por Mónica Patxot & Anxo Lourido |
-
Ponteatro rememora a educación truncada polo franquismo coa obra "As alumnas"
Por Redacción & Mónica Patxot |
-
Teatro para reflexionar sobre a relación entre a prensa e o poder, entre a sanidade e a economía
Por Oskar Viéitez & Mónica Patxot |
-
Iribarne, unha revisión "moi tola" da vida de Manuel Fraga, conquista o Pazo da Cultura
Por Redacción |
-
Volve Ponteatro, coas entradas esgotadas para achegarse a Manuel Fraga en clave de humor
Por Redacción |